නොවැම්බර් මාසයේ මැද වන විට රත්මලාන ගුවන්තොටුපළින් කලාපීය අන්තර්ජාතික ගුවන් ගමන් ආරම්භ කිරීමට සංචාරක අමාත්‍යංශය සූදානම් වෙයි.

ඒ අනුව ලබන මස මැද දී රත්මලාන ගුවන් තොටුපළේ සිට පළමු ගුවන් යානය මාලදිවයින දක්වා ගමන් කිරීමට නියමිතය. රත්මලාන ගුවන්තොටුපළේ සිට මෙලෙස කලාපීය ගුවන් ගමන් ආරම්භ කරනුයේ දශක පහකට පසුවය.

ඒ අනුව ඉන්දියාව සහ මාලදිවයින කේන්ද්‍ර කරගත් කලාපීය අන්තර්ජාතික ගුවන්තොටුපළක් ලෙස රත්මලාන ගුවන්තොටුපළ දියුණු කිරීමට නියමිත බව ද සංචාරක අමාත්‍යංශය පැවසීය.