මොනරාගල දිට්වා ආපදා වන්දියෙන් ලක්ෂ 200ක් ගහලා… එකම පවුලේ බිරිඳට සැමියාට නිර්දේශ කර 50%ක් අරන්…!
May 16, 2026 at 10:39 am | by emanisa.lk
දිට්වා කුණාටුව නිසා සිදු වූ නිවාස සහ දේපළ හානිවලට ආපදා වන්දි සඳහා මොනරාගල දිස්ත්රික්කයට වෙන්කළ මුදලින් රු. ලක්ෂ 200ක දැවැන්ත වංචාවක් සිදුකර ඇතැයි අනාවරණය වී තිබේ.
මොනරාගල දිස්ත්රික්කයේ මදුරුකැටිය ග්රාම නිලධාරී වසමේ විපතට පත් පවුල්වලට ආපදා වන්දි දීමේදී වන්දිලාභියා සමග බැංකුවට ගොස් චෙක්පත මාරු කර ඉන් 50%ක් අදාළ නිලධාරීන් ලබාගෙන තිබේ.
මෙම මුදල වංචා කර ඇත්තේ සිදු වූ හානියට වඩා ඉහළ හානි තක්සේරුවක් ලබාදීම, හානියට ලක් නොවූ නිවාස සඳහා වන්දි ලබාදීම සහ එකම පවුලේ සැමියට සහ බිරිඳට වන්දි ලබා දෙමින් එම වන්දි මුදලින් අඩක් නිලධාරීන් ලබා ගනිමිනි.
මේ වන විට ආපද සහන සේවා නිලධාරියෙකුගේ වැඩ තහනම් කර ග්රාම නිලධාරියෙකුට ස්ථාන මාරුවක් ලබාදී ඇත. මොනරාගල දිසා ලේකම් කාර්යාලය වැඩිදුර පරීක්ෂණ පවත්වයි.
