මොඩර්නා එන්නත ගත් අය ඇමරිකාව 5G තාක්ෂණයෙන් පාලනය කරන කතාව ඇත්ත ද?
July 22, 2021 at 12:25 pm | by emanisa.lk
මොඩර්නා එන්නත පිළිබඳ සමාජ මාධ්‍ය ඔස්සේ අසත්‍ය ප්‍රචාර සිදුකරන පුද්ගලයින් සොයා, අපරාධ පරීක්ෂණ දෙපාර්තමේන්තුවේ නිලධාරීන්ගේ සහය ඇතිව විශේෂ විමර්ශනයක් ආරම්භ කර තිබේ.
පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ සඳහන් කළේ, මහනුවර මහ රෝහලේ නීති වෛද්‍ය පාලිත සුභසිංහ විසින් සිදුකළ පැමිණිල්ලක් මත එම විමර්ශන ආරම්භ කළ බවය.
මොඩර්නා එන්නතේ ලුසිෆරේස් නම් අහිතකර සංඝඨකය අඩංගු බවත් එහි ඇති අනාගතයේ 5G තාක්ෂණය මගින් ඇමරිකාවේ සිට එම එන්නත ලබා ගත් පුද්ගලයින් පාලනය කළ හැකි බවත් සඳහන් කරමින් සමාජ මාධ්‍ය ඔස්සේ ඇතැම් අසත්‍ය කරුණු සංසරණය වන බවට අදාළ වෛද්‍යවරයා විසින් පැමිණිල්ලේ සඳහන් කර තිබේ.
මොඩර්නා එන්නත මේ දිනවල මධ්‍යම පළාත කේන්ද්‍ර කරගනිමින් ජනතාවට ලබාදෙන බවත් එවන් අවස්ථාවක ජනතාව අතර එන්නත්කරණයට ඇති විශ්වාසය පළුදු කිරීමේ අදහසින් මෙම අසත්‍ය ප්‍රචාර සිදුකරන බවත් වෛද්‍යවරයා සඳහන් කර ඇත.
