මියන්මාරයට වහා වෛද්‍ය හා හමුදා කාණ්ඩයක් යවන්න… හිටපු ජනපති රනිල් ආණ්ඩුවෙන් ඉල්ලයි..!
March 31, 2025 at 5:50 pm | by emanisa.lk
භූමිකම්පාව නිසා විපතට පත් මියන්මාර ජනතාවට උදව් කිරීමට වහාම වෛද්‍යවරුන් ඇතුළු හමුදා කාණ්ඩායක් යැවිය යුතු බව හිටපු ජනාධිපති රනිල් වික්‍රමසිංහ පවසයි.
ථේරවාදී බෞද්ධ රටක් ලෙස මියන්මාරය සමග ඉතාම කිට්ටු සම්බන්ධයක් ලංකාවට ඇති බවත් මේ වන විටත් චීන, ඕස්ට්‍රේලියානු සහන කණ්ඩායම් මියන්මාරයට ළඟා වී ඇති බවත් හෙතෙම පෙන්වා දෙයි.
ලංකා වෛද්‍ය කණ්ඩායමට එහි ගොස් තාවකාලික රෝහලක් ඉදිකර අවශ්‍ය නම් ඖෂධ ලංකාවේ ජනතාවට එකතු කොට යැවිය හැකි බව ද ඔහු සඳහන් කරයි.
විජයබාහු රජතුමාට මෙරටට පැමිණි සොළී ආක්‍රමණිකයන් පළවා හැරීම සඳහා මියන්මාරයේ බගාන් රාජධානියේ අනවතා රජතුමා මෙරටට සේනා එවූ බව ද හිටපු ජනාධිපතිවරයා සිහිපත් කරයි.
2015 බුදුන් වහන්සේ උපන් නේපාලයේ භූමිකම්පාවක් ඇති වූ අවස්ථාවේ මුලින්ම එරටට ළඟා වූයේ ලංකා සහන කණ්ඩායමක් බව ද රනිල් වික්‍රමසිංහ සිහිපත් කරයි.
