ඉදිරි ජනාධිපතිවරණය ජය ගැනිමට නම් ශ්‍රී ලංකා නිදහස් පක්ෂය හා පොදු ජන පෙරමුණ එක්ව අපේක්ෂකයෙකු ඉදිරිපත් කළ යුතු බව ශ්‍රී ලංකා නිදහස් පක්ෂ මහ ලේකම් දයාසිරි ජයසේකර පවසයි.

හම්බන්තොට ප්‍රදේශයේ පැවති ශ්‍රී ලංකා නිදහස් පක්ෂ ජන හමුවකට එක් වෙමින් ඔහු මේ බව සඳහන් කළේය.

මහ ලේකම්වරයා වැඩිදුරටත් ප්‍රකාශ කර සිටියේ මෛත්‍රී – මහින්ද එකමුතුවකින් තොරව ප්‍රබල බලවේගයක් ගොඩනැගිය නොහැකි බවය.

කෙසේ වුවද පොදුජන පෙරමුණේ ජාතික සංවිධායක බැසිල් රාජපක්ෂ පවසන්නේ එළඹෙන ජනාධිපතිවරණයේ දී තම පක්ෂයෙන් අපේක්ෂකයෙකු ඉදිරිපත් කර ජය ගන්නා බවයි.