ජාතික රූපවාහිනියේ සභාපති ධුරයට තමන් පත් වූ බවට සමාජ මාධ්‍ය ඔස්සේ පැතිර යන ප්‍රවෘත්තිවල කිසිදු සත්‍යයතාවක් නැතැයි නිදහස් මාධ්‍යෙව්දී සුදත්ත තිලක්සිරි පවසයි.

තමා ජාතික රූපවාහිනී සභාපති ධුරයට පත්කොට ඇති බව තමන් ද දුටුවේ මිතුරන්ගේ සුබ පැතුම් නිසා බවයි, ඔහු සඳහන් කළේ.

ජනාධිපති අනුර දිසානායක ද මාධ්‍ය ඇමති නලින්ද ජයතිස්ස ද වෙනත් කටයුතු සඳහා තමන් සමග දුරකතනයෙන් කතා කළ ද එවැනි තනතුරක් ගැන කතා නොකළ බව ද සුදත්ත තිලක්සිරි අවධාරණය කරයි.

ඇතැමුන් තමන් ස්වාධීන රූපවාහිනි සභාපති ධුරයට ද තනාපති ධුර සඳහා ද මන්ත්‍රි ධුර සඳහා ද යෝජනා කළ ද ඒ කිසිදු තනතුරක් තමන් භාර නොගන්නා බව ඔහු වැඩි දුරටත් ප්‍රකාශ කරයි.