ආන්දෝ­ල­න­ය­කට ලක්වූ කුරු­ණෑ­ගල බුව­නෙ­ක­බාහු රාජ සභා මණ්ඩ­පය කඩා බිඳ දැමීමේ සිද්ධි­යෙන් පටු දේශ­පා­ලන අර­මුණු ඉටු කර­ගැ­නී­මට අසත්‍ය සමා­ජ­ගත කර­මින් පව­රන ලද නඩු­ව­කට විය­දම් කිරී­මට සිදු වූ රුපි­යල් මිලි­යන 3.75ක් කෘෂි­කර්ම හා වාරි­මාර්ග නියෝජ්‍ය ඇමැති නාමල් කරු­ණා­රත්න මහ­තා­ගෙන් අය කර ගත යුතු බව සඳ­හන් යෝජ­නා­වක් කුරු­ණෑ­ගල මහ නගර සභාවේ විපක්ෂ නායක (සජබ) සුමේධ අරු­ණ­ශාන්ත මහතා සභා­වට ඉදි­රි­පත් කර ඇත.

මේ සම්බ­න්ධ­යෙන් වන යෝජ­නාව තමන් මෙවර කුරු­ණෑ­ගල මහ නගර සභාවේ මාසික සභා රැස්වී­මට පෞද්ග­ලික යෝජනා යටතේ ඉදි­රි­පත් කළ බව ද ඒ මහතා පැව­සීය.

“මේ සිද්ධි­යෙන් දේශ­පා­ලන වාසි ගැනීමේ අර­මු­ණින් වත්මන් නියෝජ්‍ය ඇමැ­ති­ව­රයා එම කාල­යේදී කුරු­ණෑ­ගල මහ නගර සභාව, නග­රා­ධි­ප­තිවරයා සහ තවත් අය වග­උ­ත්ත­ර­ක­රු­වන් කර­මින් මැණ්ඩා­මුස් රිට් ආඥා­වක් ඉල්ලා අභි­යා­ච­නා­ධි­ක­ර­ණයේ නඩු­වක් ගොනු කර තිබූණා. ඒ සඳහා පෙනී සිටී­මට කුරු­ණෑ­ගල මහ නගර සභා­වට නිර­ප­රාදේ වැය කිරී­මට සිදු වූ එම මුදල නියෝජ්‍ය ඇමැ­ති­ව­ර­යා­ගෙන් අය කර ගත යුතුයි.

නාමල් කරු­ණා­රත්න මහතා විසින් පව­රන ලද එම අභි­යා­චනා නඩු­වට නඩු ගාස්තු ලෙස රුපි­යල් මිලි­යන 24ක මුද­ලක් ගෙවී­මට මුදල් ස්ථාවර කමි­ටුව විසින් නිර්දේශ කර තිබුණා. නීත්‍ය­නු­කූ­ලව එම මුදල සභා­වෙන් දරා තිබෙ­නවා.

අන­තු­රුව අදාළ ස්ථානය පුරා­විද්‍යා වටි­නා­ක­මක් නැති ස්ථාන­යක් බවට ප්‍රබල සාක්ෂි සහි­තව මහේ­ස්ත්‍රාත් අධි­ක­ර­ණ­යට ඉදි­රි­පත් කරන ලද මෝස­මක් හේතු­වෙන් නාමල් කරු­ණා­රත්න මහතා විසින් ගොනු කරන ලද නඩුව ඉල්ලා අස්ක­ර­ගෙන තිබෙ­නවා. මේ තත්ත්වය මත බොරු නඩු­වක් පට­ල­ව­මින් කුරු­ණෑ­ගල මහ නගර සභා­වට නිර­ප­රාදේ වැය කිරී­මට සිදුව ඇති මහ­ජන මුදල් නියෝජ්‍ය ඇමැති නාමල් කරු­ණා­රත්න මහ­තා­ගෙන් අය කර ගත යුතුයි.”