දකුණේ ජනතාවගේ ඇස් පනාපිට සිදු වූ බටලන්ද මහා සංහාරය පිළිබඳ අබමල් රේණුවක හැඟීමක් නොමැති මිනිසුන්ට දෙමළ ජනතාවගේ ප්‍රශ්න විසඳිය නොහැකි බව අමාත්‍ය බිමල් රත්නායක පවසයි.

“දකුණේ ඇස් පනාපිට වෙච්ච මේ මහා සංහාරය ගැන, බටලන්ද වාර්තාව ගැන අබමල් රේණුවක හැඟීමක් නැති මිනිස්සු කොහොම ද නම් නොදන්නා ගමක් නොදන්නා ඥාතිකමක් නැති ලේ ඥාතීත්වයක් නැති නන්දිකඩාල්, කිලිනොච්චිය, භාරතීපුරම්හි මරා දමන ලද දෙමළ මිනිස්සුන්ගේ ප්‍රශ්නේ විසඳන්නේ?”

ඊයේ (10) පාර්ලිමේන්තුවේ දී බටලන්ද වාර්තාව පිළිබඳ විවාදයට එකතු වෙමින් ඔහු මේ බව කීය.