නීති සිසුවකු වන මිගාර ගුණරත්නට පෑලියගොඩ පොලිසිය තුළ දී ඉකුත් පෙබරවාරි 25 වන දින පහරදීමේ සිද්ධියට සම්බන්ධ යැයි කියන සියලුම පොලිස් නිලධාරීන් වහාම අත්අඩංගුවට ගන්නා ලෙස නීතිපතිවරයා, පොලිස්පතිවරයා වෙත ඉකුත් 3 වැනිදා උපදෙස් දී තිබිණි.

එලෙස උපදෙස් දී අද (8) වන විට දින 5ක් ගත වී ඇතත් මේ වන තෙක් කිසිදු සැකකරුවකු ​අත්අඩංගුවට ගැනීමට පොලිසිය කටයුතු කර නොමැත.

මෙම සිද්ධියට සම්බන්ධ සැකකාර ​පොලිස් නිලධාරීන් අත්අඩංගුවට ගෙන දණ්ඩ නීති සංග්‍රහය සහ වධහිංසා පනත යටතේ අධිකරණයට ඉදිරිපත් කරන ලෙස ද පොලිස්පතිවරයාට වැඩිදුරටත් උපදෙස් දී තිබිණි. මිගාර ගුණරත්න හිටපු ආණ්ඩුකාර මෛත්‍රී ගුණරත්නගේ පුතෙකි.