දේවගැති ජෙරම් ප්‍රනාන්දු රඳවා සිටින කොළඹ මැගසින් බන්ධනාගාරයේ ජී වාට්ටුවේ සහ එච් වාට්ටුවේ සිදු කළ හදිසි වැටලීමක දී ජංගම දුරකතන 33ක් සහ සිම්පත් 35ක් සොයාගැනීමට බන්ධනාගාර බුද්ධි අංශ නිලධාරීන් සමත් වී තිබේ.

අධිකරණ නියෝගයකට අනුව රක්ෂිත බන්ධනාගාරගත කෙරුණු දේවගැති ජෙරම් ප්‍රනාන්දු ද පසුගියදා (01) සිට මැගසින් බන්ධනාගාරයේ ජී වාට්ටුවේ රඳවා සිටී.

පසුගියදා (02) රාත්‍රියේ මෙම හදිසි වැටලීම සිදු කර ඇති අතර හමු වූ ජංගම දුරකතන සහ සිම්පත් සම්බන්ධයෙන් බන්ධනාගාර දෙපාර්තමේන්තුව විමර්ශනයක් ආරම්භ කර ඇත.

අදාළ ජංගම දුරකතන සහ සිම්පත් වැඩිදුර පරීක්ෂණ සඳහා පොලිසිය වෙත භාර දීමට කටයුතු යොදා ඇත.