ගොවීන් අස්වනු කොටසක් රජයට දිය යුතුයි… නව නීති හදන්නත් යෝජනා ආවා…! – කෘෂිකර්ම ඇමති ලාල්කාන්ත….
February 14, 2025 at 4:01 pm | by emanisa.lk
රජයේ පොහොර සහනාධාරය ගන්නා ගොවීන් තම වී අස්වැන්නෙන් කොටසක් රජයේ වී ගබඩාවලට දිය යුතු බව කෘෂිකර්ම ඇමැති කේ.ඩී. ලාල්කාන්ත මහතා පවසයි.
පොහොර, ජලය ගොවීන් ගන්නේ මහජන මුදල්වලින් බවත්, එබැවින් ඔවුන් තම වී අස්වනුවලින් යම් කෝටාවක් රජයට දීම කළයුතු බවත් ඒ සඳහා නව නීති සකස් කරන ලෙස යෝජනා ඉදිරිපත්වී ඇති බවත් ඇමැතිවරයා අවධාරණය කරයි.
මෙම පහසුකම් රජයෙන් ගන්නා ගොවීන් ඒ තුළින් තම අස්වනු සරුකර ගෙන වී අස්වනු මහමෝල්කරුවන්ට ලබාදීම සිදු කරන බව ද ඇමැතිවරයා පෙන්වා දෙයි.
වී මිල දී ගැනීම් කටයුතු සඳහා රජයේ සියලු වී ගබඩා විවෘත කිරීමට වී අලෙවි මණ්ඩලය කටයුතු යොදා තිබේ. මේ වන විට ඇතැම් ගොවීන් විසින් සිය අස්වනු නියැදි පරීක්ෂාවට වී අලෙවි මණ්ඩලයේ ගබඩා වෙත දී තිබුණ ද ඊ‍යේ(13) වන විටද වී අලෙවි මණ්ඩලයට ගොවීන් වී ලබාදී නොමැත.
