COVID-19 වසංගතය අතරතුර ශ්‍රී ලංකාව තුළ බලාත්මක කරන ලද අනිවාර්ය ආදාහන ප්‍රතිපත්තිය සම්බන්ධව රජය සමාව අයැදීමට කැබිනට් අනුමැතිය ලැබී තිබේ.

COVID-19හි සායනික කළමනාකරණය පිළිබඳ සෞඛ්‍ය අමාත්‍යාංශය විසින් ප්‍රකාශයට පත් කරන ලද මාර්ගෝපදේශවල සඳහන් පරිදි, වෛරසයට ගොදුරු වී මියගිය තැනැත්තන්ගේ මෘතදේහ බැහැර කිරීමේ ක්‍රමවේදය ලෙස ආදාහනය නිර්දේශ කරනු ලැබ තිබුණි.

සෞඛ්‍ය අමාත්‍යාංශය විසින් ප්‍රකාශයට පත් කළ මාර්ගෝපදේශ අනුව ඉස්ලාම් ආගමික සම්ප්‍රදාය නොතකමින් COVID-19ට ගොදුරු වූ මුස්ලිම් ජාතික පුද්ගලයින් 276 දෙනෙකුගේ මෘතදේහ ආදාහනය කළ අතර 2021 පෙබරවාරි මාසයේදී එවැනි පුද්ගලයින් සඳහා දැඩි සීමාවන් සහිතව භූමදානය කිරීමට අවසර ලබා දී ඇත.

පසුව සිදුකළ විද්‍යාත්මක අධ්‍යයනවල දී කොවිඩ් වෛරසය ජල මූලාශ්‍රවලට එකතු වී නොමැති බව තහවුරු විය.