කාන්තාව නමස්කාර කළේ බල්ලාට නොවෙයි… මගේ කැප්ෂනය වැරදියි.. ඡායාරූපය ඉවත් කළා…! – අනුරුද්ධ ලොකුහපුආරච්චි
April 23, 2026 at 11:12 am | by emanisa.lk
සාම පා ගමන අතර කාන්තාවක් ආලෝකා නම් බල්ලාට බුහුමන් දක්වන බව ප්රකාශ කරමින් පළකළ සිය ඡායාරූපය ඡායාරූප ශිල්පී අනුරුද්ධ ලොකුහපුආරච්චි සිය ෆේස්බුක් පිටුවෙහි සටහනක් තබමින් ඉවත් කරගෙන තිබේ. කෙසේ වුවද ජනාධිපති මාධ්ය අංශයේ ප්රධානියෙකු බව කියන අනුරුද්ධ ලොකුහපුආරච්චි ගත් මෙම ඡායාරූපය මහත් ආන්දෝලනයට ලක්වූ අතර මේ වන විට එම ඡායාරූපය දස දහස් ගණනින් හුවමාරු වී අවසානය.
“මෙය අනුරාධපුරයේ පැවති සාම පා ගමනේ සමාරම්භය අතරතුර මා විසින් ගත් ඡායාරූපයක් සම්බන්ධයෙන් පැහැදිලි කිරීමකි.
මෙම ඡායාරූපය මුලින් මා විසින් සමාජ මාධ්යයට පළ කළ අවස්ථාවේදී, එයට එක් කළ කැප්ෂනය එම මොහොතේ සත්ය සන්දර්භය නිවැරදිව ප්රකාශ කිරීමට අසමත් වූ අතර, එමඟින් වැරදි අර්ථකථන සඳහා ඉඩ සලසා දුන්නාය.
විශේෂයෙන් වචන තේරීමේදී ඇති වූ සාවද්යතාවය හේතුවෙන්, එම ක්රියාව සත්වයා වෙත යොමු වූ බවට හැඟීමක් නිර්මාණය විය. නමුත්, එම මොහොතේ සිදුවූයේ එවැනි දෙයක් නොවේ.
එම කාන්තාවගේ නමස්කාර ක්රියාව, ආගමික හා සංස්කෘතික පසුබිමක උපන් පුද්ගලික භක්තියක ප්රකාශයකි. එය කිසිසේත්ම සත්වයා වෙත යොමු වූ ක්රියාවක් නොව, මහජන අවකාශයක සිටි සත්වයක අහඹු පැමිණීමක් පමණි.
මෙම වැරදි අර්ථකථන හේතුවෙන්, එම කාන්තාවට අගෞරව වන අදහස් පළ වීම ගැන මට දැඩි කනගාටුවක් පවතී. එමඟින් ඇති විය හැකි තවත් අසාධාරණ අවබෝධයන් වැළැක්වීම සඳහා, එම ඡායාරූපය මා විසින් ඉවත් කිරීමට කටයුතු කළෙමි.”
– අනුරුද්ධ ලොකුහපුආරච්චි
FB
