මෙරට දෛනිකව වාර්තා වන හෘද රෝගීන් සංඛ්යාව ශීඝ්ර ලෙස ඉහළ ගොස් ඇති බව කොළඹ ජාතික රෝහලේ හෘද රෝග විශේෂඥ වෛද්ය ගෝඨාභය රණසිංහ පවසයි.
“ලංකාවේ හෘද රෝග හැදෙන ප්රමාණය පහුගිය අවුරුදු 10 ඇතුළත සීඝ්ර වැඩිවීමක් තියෙනවා. දවසකට හාට් ඇටෑක් 166 – 170ක් වගේ දෙනෙකුට හැදෙනවා. ඒක තමයි දැනට තියෙන දත්ත අනුව අපිට පෙන්නුම් කරන්නේ.
මේ එන ගාන ඇත්තෙන්ම පහුගිය අවුරුදු කිහිපය ඇතුළත එන්න එන්නම වැඩිවීමක් පෙන්නුම් කරනවා. එදිනෙදා රෝගීන් පරීක්ෂා කරන කොට ඒ වැඩිවීම බොහෝ විට අපිට දකින්නට ලැබෙනවා.
හාට් ඇටෑක් වැඩිවෙලා තියෙන්නේ, අපේ ජීවන රටාව නිසා. අපේ ජීවන රටාවේ වෙනස් වීම නිසා. විශේෂයෙන්ම අපි භාවිත කරන ආහාරවල පහුගිය අවුරුදු කිහිපය ඇතුළත සීඝ්ර වෙනස්වීමක් තියෙනවා. අපේ ජීවන රටාව විශාල වෙනසක් වෙලා තියෙනවා. ඒ වෙනස තමා ඇත්තෙන්ම ස්ථීර වශයෙන්ම මම කියනවා මේ හාට් ඇටෑක් ලංකාව ඇතුළේ වැඩිවීමට හේතුව.
විශේෂයෙන්ම ගත්තොත් අපි කන ආහාරවල අඩංගු සීනි ප්රමාණය ඉතා ම වැඩියි. එක පුද්ගලයෙක් ලංකාවේ කිලෝ 30ක් පමණ වසරකට සීනි භාවිත කරනවා. අනිත් එක තමා අපි වැඩියෙන්ම ආහාරවලට තෙල් පාවිච්චි කරනවා. අපි කන ආහාරවල වැඩියෙන්ම තියෙන්නේ කාබෝහයිඩ්රේට්. ඒ කියන්නේ ආහාර රටාව තමා ප්රධාන වශයෙන් බලපාන්නේ.”
කොළඹ පැවති මාධ්ය හමුවකට එක්වෙමින් විශේෂඥ වෛද්ය ගෝඨාභය රණසිංහ මෙම අදහස් පළ කළේය.