ඩෙංගු ව්යාප්තිය ඉහළ යන්නේ නව ඩෙංගු ප්රභේදයක් නිසායි… ආණ්ඩුවේ වරදක් නිසා නෙමෙයි..!
June 27, 2026 at 3:08 pm | by emanisa.lk
ශ්රී ලංකාවේ මේ දිනවල ඩෙංගු රෝග ව්යාප්තිය ඉහළ යාමට ප්රධානතම හේතුව නව ඩෙංගු වෛරස් ප්රභේදයක් බව අග්රාමාත්ය ආචාර්ය හරිනි ප්රකාශ කරයි.
වෛරසයේ පවතින මෙම නව ස්වරූපය හේතුවෙන් රෝගය බෝවීමේ වේගය සැලකිය යුතු ලෙස වර්ධනය වී ඇති බවද අගමැතිනිය පෙන්වා දෙයි.
කොළඹ සහ මහරගම ඇතුළු නගරාසන්න ප්රදේශ මෙම තත්ත්වයෙන් දැඩි ලෙස පීඩාවට පත්ව ඇත. රෝගය පාලනය කිරීම සඳහා මර්දන මෙහෙයුම් දියත් කර තිබුණද, පොදු ස්ථානවල පවතින අවදානම තවමත් අභියෝගාත්මක මට්ටමක පවතී. නිවාස පරිශ්රයන්ට සාපේක්ෂව මේ වන විට පාසල්, කාර්යාල පරිශ්ර සහ නඩත්තු නොකළ හිස් ඉඩම් මදුරුවන් බෝවන ප්රධාන කේන්ද්රස්ථාන බවට පත්ව ඇති බව පරීක්ෂණවලින් හෙළිව තිබේ.
විශේෂයෙන්ම ඉදිකිරීම් අතරමග නතර කර ඇති ස්ථාන සහ අයිතිකරුවන් විසින් නිසි ලෙස නඩත්තු නොකරන ඉඩම්වල මදුරුවන් බෝවීම පාලනය කිරීමේදී නෛතික සහ ප්රායෝගික ගැටලු මතුව ඇති බව අග්රාමාත්යවරිය සඳහන් කරයි.
රෝගය ව්යාප්ත වීම පාලනය කිරීම සඳහා රාජ්ය අංශයේ සහ මහ ජනතාවගේ වගකීම අතිමහත්ය. ඉදිරි දිනවලදීත් දිවයින පුරා දැඩි ඩෙංගු මර්දන මෙහෙයුම් ක්රියාත්මක කරන අතර වගකීම් විරහිත ලෙස කටයුතු කරන අයට එරෙහිව නීතිය ක්රියාත්මක කරනු ඇත.
මෙම බලපෑම හමුවේ මහජන සෞඛ්ය සුරක්ෂිත කර ගැනීම උදෙසා පෞද්ගලික මට්ටමින් තම නිවාස පිරිසිදුව තබා ගැනීම සහ බලධාරීන්ගේ උපදෙස් පිළිපැදීම ජාතික අවශ්යතාවකි.
