මාලිමාණ්ඩුව ජයග්‍රහණය කළ සමුපකාර සමිතිවල බලය ගිලිහුණද එය ආණ්ඩුව කෙරෙහි පවතින ජනමතයෙහි පසුබෑමක් ලෙස තමන් නොදකින බව අධිකරණ අමාත්‍ය හර්ෂණ නානායක්කාර පවසයි.

සමූපකාර ඡන්ද පවතින්නේ එහි සාමාජිකයන් අතර බවද ජනතාව ආණ්ඩුවට බැනීමෙන් තහවුරු වන්නේ ආණ්ඩුව කෙරෙහි පවතින විශ්වාසය බවද ඇමතිවරයා ප්‍රකාශ කරයි.

මාලිමාව බලයට පත්වීමට පෙර දියත් කළ අභූත චෝදනා නිසා මැතිවරණයේදී ඡන්දය ලබානොදුන් ජනතාව, විශේෂයෙන් කොළඹ මැද පන්තියේ ජනතාවද මේ වන විට ආණ්ඩුවේ ගමන්මග කෙරෙහි පැහැදී ඇති නිසා ආණ්ඩුව කෙරෙහි පවතින ජනමතය තවත් ප්‍රබල වී ඇති බවද ඇමති හර්ෂණ නානායක්කාර සඳහන් කරයි.

ජාතික රූපවාහිනියේ වැඩසටහනකට එකතු වෙමින් හෙතෙම මේ බව කීය.