කෘෂිකර්ම අමාත්‍ය කේ.ඩී. ලාල්කාන්ත කඩුවෙල ඉදිකළ සුපිරි තෙමහල් නිවස පසුගියදා මහත් ආන්දෝලනයට ලක්විය. ඒ ජනාධිපති සහ අගමැතිනියද කැඳවා පැවැත්වූ සාංඝික දක්ෂිණාවක රූප රාමු මාධ්‍යයට මුදා හැරීමත් සමගය.

මේ අතර නව ජනතා පෙරමුණේ නායක සුගීෂ්වර බණ්ඩාර ඇතුළු පිරිසක් පසුගියදා එම නිවස අසලට ගොස් විරෝධතා පුවරු ප්‍රදර්ශනය කරමින් විරෝධතාවක නිරත වූ අතර එම ස්ථානයට පොලිසියද කැඳවා තිබිණි.

ඇමති ලාල්කාන්තගේ නිවස පිහිටි මාර්ගය ඔහුගේ නිවස අසලට පමණක් කාපට් අතුරා සකස් කර තිබූ අතර එයද විරෝධතාකරුවන්ගේ දැඩි විරෝධයට ලක්විය.

මෙම නිවස ගොඩනැගුවේ මාලිමාව ආණ්ඩු බලය ලබා ගැනීමට පෙර බව ආණ්ඩු පාර්ශ්වය සඳහන් කළද ඇමති ලාල්කාන්තගේ 2025 වත්කම් බැරකම් ප්‍රකාශයේ එම නිවස ඇතුළත්ව නොමැති බවටද චෝදනා නැගෙයි.