අතීතයේ මේ රටේ නිදහසේ පියා, බත්දුන් පියා, සෙවණ දුන් පියා, යුද්ධය නිමා කළ පියා, පෝලිම් අවසන් කළ පියා වුවද වර්තමානයේ රට පාලනය කරන්නේ ඇඳන්පියා, හාල්පියා, මාෆියා, සමලිංගික පියා, රිලාපියා, විදුලිපියා, ගල් අඟුරු පියා, පිංපියා බව මිහින්තලා රාජමහා විහාරාධිපති පූජ්‍ය වළවහැංගුණුවැවේ ධම්මරතන හිමි පවසයි.

පසුගිය සමයේ ගෝළිය වසංගතය සමයේ වර්තමාන පියාලා විරෝධතා, උද්ඝෝෂණ කරමින් එකල රට පාලනය කළ පියවරුන්ට රට කරගෙන යෑමට ඉඩනොදුන් බවද එහිමියන් සඳහන් කරයි.

මේ මාෆියාලා, පචපියාලා, රටට කෙළවපු පියාලා, පිංපියාලා එකතු වී රට නැත්තටම නැති කළ බවද මේ පියවරුන්ගෙන් රට බේරා ගැනීමට ඔවුන්ගේ බොරුවට රැවටුණු සියලුම පියවරුන් සහ මව්වරුන් නැගිටිය යුතු බවද ධම්මරතන හිමි අවධාරණය කළේය.

මාධ්‍ය හමුවක් කැඳවමින් උන් වහන්සේ මේ බව කීය.