විපක්ෂයේ සිටියදී ආණ්ඩුව භාණ්ඩ මිල අඩු කළ යුතු බව ප්‍රකාශ කළද, වර්තමානයේ ආණ්ඩුකරණයේ යෙදී සිටින තමන්ට ලෝකයේ සිදුවන දෑ පාලනය කිරීමේ හැකියාවක් නොමැති බව ජාතික ජන බලවේගයේ ප්‍රධාන ලේකම්, පාර්ලිමේන්තු මන්ත්‍රී නිහාල් අබේසිංහ පවසයි.

පවතින තත්ත්වය හමුවේ ඉන්ධන මිල යම් ප්‍රමාණයකින් ඉහළ නැංවීමට රජයට සිදු වූ බවත්, එසේ නොකළහොත් ඉදිරියේදී රටේ භාණ්ඩ හා සේවා අවශ්‍යතා අඛණ්ඩව පවත්වාගෙන යාමට නොහැකි වීමේ අවදානමක් මතු විය හැකි බවත් ඔහු පෙන්වා දෙයි.

එබැවින් සෑම විටම ආනයනිත භාණ්ඩ හා සේවා භාවිතය සීමා කර ආණ්ඩුවට සහයෝගය ලබා දීම ජනතාවගෙන් බලාපොරොත්තු වන බවද මන්ත්‍රීවරයා වැඩිදුරටත් සඳහන් කරයි.

මහ ලේකම්වරයා මේ බව පැවසුවේ වැඩසටහනකට පසු මාධ්‍ය අමතමිනි.