රටේ ඉන්ධන පරිභෝජනය ඉහළ ගොස් ඇත්තේ බාල ගල් අඟුරු ආනයනය කිරීමේ අතුරුඵලයක් ලෙස බව හිටපු අමාත්‍ය පාඨලී චම්පික රණවක පවසයි.

ඔහු පෙන්වා දෙන්නේ බාල ගල් අඟුරු භාවිතය නිසා බලාගාර නළ අවහිර වී විදුලිය උත්පාදනය කරගත නොහැකි වීම නිසා ඒවාට ඩීසල් ගැසීමට සිදුව ඇති බවත් අඩු වන විදුලි නිෂ්පාදනය සපුරා ගැනීම සඳහා ඩීසල් යොදා විදුලිය ජනනයට සිදුව ඇති බවත්ය.

ඉන්ධන මිල වැඩි කරන අවස්ථාවේ රටේ ඉන්ධන ලීටර් මිලියන 308ක් පැවති බවත් එමගින් පමණක් දුප්පත් ජනතාවගේ රු. කෝටි 710ක් අනුර දිසානායකගේ කැටේට ගොස් ඇති බවත් හිටපු ඇමතිවරයා ප්‍රකාශ කරයි.

බාල ගල් අඟුරු ආනයනය නිසා නැව් 25ම ලැබුණත් ඔක්තෝබර් 25 වෙනිදා නොරෙච්චෝලේ වැසි යනු ඇත බවත් වර්තමාන තත්ත්වය අනුව නැව් 22ක් පැමිණියහොත් සැප්තැම්බර් 22ද නැතහොත් අගෝස්තු මස 27 වෙනිදා වන විටද බලාගාරය වැසී යනු ඇතැයිද එමගින් මෙරට ආර්ථිකයට සහ ජන ජීවිතයට දූෂිත ආණ්ඩුව මරු පහරක් එල්ල කර ඇතැයිද පාඨලී චම්පික රණවක අවධාරණය කරයි.

ඔහු මේ බව ප්‍රකාශ කළේ මාධ්‍ය හමුවක් අමතමිනි.