බාල ගල් අඟුරු වංචාවේ ප්‍රතිඵල නිකුත් වී ඇතැයි හිටපු බලශක්ති අමාත්‍ය පාඨලී චම්පික රණවක පවසයි. ඔහු සිය නිල ෆේස්බුක් ගිණුමේ සටහනක් තබමින් මේ බව පවසා ඇත.

ඔහු පෙන්වා දෙන්නේ එම වංචාවෙන් සිදුව ඇති පාඩුව පියවා ගැනීමට විදුලි බල මණ්ඩලය අප්‍රේල් මාසයේ සිට 13.5%ක විදුලි බිල වැඩිකිරීමක් යෝජනා කර ඇති බවයි. ඒ අනුව අදාළ වංචාවේ පාඩුව ජනතාවගේ විදුලි බිලට එකතු වනු ඇත.

මේ අතර විපක්ෂ නායක සජිත් ප්‍රේමදාස පෙන්වා දෙන්නේ ගල් අඟුරු සමාගම ලබාදුන් දත්ත අනුව ගෙන ආ සියලුම ගල් අඟුරු නැව් බාල වන අතර එමගින් මිලියන 1760ක පමණක් පාඩුවක් රටට සිදුව ඇති බවයි.