ඉහළ කැලණි ගං ද්රෝණියට දැඩි වැසි… මහා ගං වතුරක් කොළඹ බලා…!
November 28, 2025 at 12:22 pm | by emanisa.lk
කැලණි ගංඟා ද්රෝණියේ ධාරා ප්රදේශවල බොහෝ ස්ථානවලට මේ වන විට අධික වර්ෂාපතනයක් ලැබෙමින් පවතී.
එම වර්ෂා තත්ත්වය ද, කැලණි ගඟ ඉහළ ද්රෝණියේ පිහිටි ජලාශවලින් පිට කරනු ලබන ජල ප්රමාණය සහ වාරිමාර්ග දෙපාර්තමේන්තුව මඟින් කැලණි ගංඟා ද්රෝණිය තුළ නඩත්තු කරනු ලබන ගංඟා ජල මාපකවල ජල මට්ටම් විශ්ලේෂණය අනුව ඉදිරි පැය 48 ක කාලය තුළ ඇහැලියගොඩ, නෝර්වුඩ්, යටියන්තොට, ගලිගමුව, රුවන්වැල්ල, බුලත්කොහුපිටිය, දෙහිඕවිට, සීතාවක, දොම්පේ, පාදුක්ක, හෝමාගම, කඩුවෙල, බියගම, කොළොන්නාව, කැලණිය, වත්තල හා කොළඹ ප්රාදේශීය ලේකම් කොට්ඨාශවලට අයත් කැලණි ගංඟා නිම්නයේ පහත්බිම් ප්රදේශවලට මහ ගංවතුර තත්ත්වයක් ඇති විය හැකි බවට අනතුරු අඟවනු ලැබේ.
මේ තත්ත්වයෙන් ජීවිත හා දේපළ ආරක්ෂා කර ගැනීම පිණිස දැඩි සැලකිල්ලෙන් කටයුතු කරන ලෙස එම ප්රදේශවල පදිංචි මහ ජනතාවගෙන් සහ එම ප්රදේශ හරහා ගමන් ගන්නා රියදුරන්ගෙන් හා මගීන්ගෙන් ඉල්ලා සිටිනු ලැබේ.
