පාස්කු ප්රහාරයේ මහ මොළකරු අපි දන්නේ නෑ… අපි දන්නවා කියන අයට නඩු දානවා…! – පොලිසිය….
October 9, 2025 at 4:08 pm | by emanisa.lk
පාස්කු ප්රහාරයේ මහ මොළකරු හඳුනාගෙන ඇති බවටත් එය පසුපස ඉන්දියාව සිටින බවටත් මහජන ආරක්ෂක අමාත්යාංශ ලේකම් විශ්රාමික ජ්යෙෂ්ඨ නියෝජ්ය පොලිස්පති රවි සෙනවිරත්න ප්රකාශ කළේ යැයි සමාජ මාධ්යයේ සංසරණය වන පුවත සාවද්ය බව පොලිසිය පවසයි.
පොලිසිය නිවේදනයක් නිකුත් කරමින් මේ පිළිබඳව සඳහන් කළේ ය.
එම පුවත සම්බන්ධව කරුණු දක්වමින් මහජන ආරක්ෂක අමාත්යාංශයේ ලේකම් රවි සෙනවිරත්න සඳහන් කර ඇත්තේ, ඔක්තෝබර් 8 වන දා පාර්ලිමේන්තුවේ උසස් නිලතල කාරක සභාව විසින් කරන ලද කැඳවීමකට අනුව එම කාරක සභාව හමුවේ පෙනී සිට මතු වූ කාරණා සම්බන්ධයෙන් පිළිතුරු ලබා දුන් බවත් එම අවස්ථාවේ පාස්කු ප්රහාරය පිටුපස ඉන්දියාව සිටින බවට කිසිදු අවස්ථාවක ප්රකාශ නොකළ බවත් ය.
මේ හේතුවෙන් අදාළ අසත්ය ප්රවෘත්තිය ප්රචාරය කරන පුද්ගලයින් සම්බන්ධයෙන් විමර්ශනයක් පැවැත්වීමට පොලිස්පතිවරයාට උපදෙස් ලබා දුන් බවත් මීට අදාළ නෛතික ක්රියා මාර්ග ගැනීමට රවි සෙනවිරත්නගේ නීතිඥවරුන් වෙත උපදෙස් ලබා දී ඇති බවත් පොලීසිය නිකුත් කළ නිවේදනයේ වැඩි දුරටත් සඳහන් වෙයි.
