අත් අඩංගුවට ගත් රනිල් උසාවියට…. YouTube සුදාගේ පොලිස් ආරක්ෂාව ඉවතට…!
August 22, 2025 at 2:52 pm | by Namal
හිටපු ජනාධිපති රනිල් වික්රමසිංහ මහතා අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.
ඒ අපරාධ පරීක්ෂණ දෙපාර්තමේන්තුව විසින් ඒ මහතා සම්බන්ධයෙන් සිදුකරන විමර්ශනයකට අදාළව ප්රකාශයක් ලබාදීම සඳහා අද (22) පෙරවරුවේ අපරාධ පරීක්ෂණ දෙපාර්තමේන්තුවට පැමිණි අවස්ථාවේ දීය.
හිටපු ජනාධිපති රනිල් වික්රමසිංහ මහතා සිය ධුර කාලයේදී රජයේ මුදල් භාවිත කරමින් පෞද්ගලික සංචාරයක් ලෙස සිය බිරිඳ වන මහාචාර්ය මෛත්රී වික්රමසිංහ මහත්මියගේ උපාධි ප්රදානෝත්සවයක් සඳහා සහභාගි වීමට ලන්ඩනයට යාම සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කර තිබුණි.
මේ අතර අපරාධ පරීක්ෂණ දෙපාර්තමේන්ත්තුව විසින් අත් අඩංගුවට ගන්නා ලද හිටපු ජනාධිපති රනිල් වික්රමසිංහ මහතාව කොටුව මහේස්ත්රාත් අධිකරණයට ඉදිරිපත් කිරීමට නියමිත බව වාර්තා වන අතර නීතිපතිවරයාගේ උපදෙස් අනුව නියෝජ්ය සොලිසිටර් ජනරාල් දිලීප පීරිස් මහතා අධිකරණය වෙත පැමිණීමට නියමිත බව වාර්තා වෙයි.
මේ අතර රනිල් වික්රමසිංහ අද නියත වශයෙන් ම අත්අඩංගුවට පත්වන බව පසුගියදා ප්රකාශ කළ සුදත්ත තිලකසිරි හෙවත් youtube සුදාගේ පොලිස් ආරක්ෂාව ඉවත් කර තිබේ.
