අනුර දිසානායක ඇමරිකාවේ සිදුකළ කතාවක ඉංගිරිසි වචනයක් අල්ලා ගෙන ඔහුගේ ඉංගිරිසි දැනුම ප්‍රශ්න කිරීම සිනාසීම පිළිකුලින් යුතුව හෙළා දකින බව පාර්ලිමේන්තු මන්ත්‍රී පාඨලී චම්පික රණවක පවසයි.

ඔහු පෙන්වා දෙන්නේ කිසිවෙකුගේ ඉංගිරිසි දැනුමට සිනාසීම මේ රටේ පවතින පහත් පෙළේ ක්‍රියාවලියක් බවයි.

ජපානය කොරියාව ඊශ්‍රායලය වැනි ලොව බලගතු රාජ්‍ය එම තත්ත්වයට පත්ව ඇත්තේ සිය මව් බසින් වැඩකොට මිස ඉංගිරිසියෙහි ඇති අනුහසකින් නොවන බවයි, මන්ත්‍රීවරයා ප්‍රකාශ කළේ.

අනුර දිසානායක කී ආකාරයට ග්‍රැෆයිට් ග්‍රැෆීන් බවට පත්කළ හැකි නම් එමගින් විශාල ආදායමක් උපයාගත හැකි බව ඇත්තක් යැයි ද ඔහු පෙන්වා දෙයි.

කෙසේ වුව ද මෙය අලුත් කතාවක් නොව වසර 10කටත් පෙර මෙරට විද්‍යාඥයින් විසින් එම තාක්ෂණය දියුණු කොට අවසන් බව ද පාඨලී චම්පික රණවක සඳහන් කළේය.