මැතිවරණයට වෙන් කළ මුදල් වහා මුදා හරිනු…! – ශ්රේෂ්ඨාධීකරණයෙන් මුදල් ලේකම්ට නියෝගයක්…
March 3, 2023 at 5:39 pm | by emanisa.lk
පාර්ලිමේන්තුව මගින් සම්මත කර තිබෙන අයවැය තුළින් 2023 වසරේ පළාත් පාලන මැතිවරණ කටයුතු සඳහා වෙන්කර තිබෙන මුදල් ප්රතිපාදන රඳවා ගැනීම වළක්වාලමින් ශ්රේෂ්ඨාධිකරණය මුදල් අමාත්යංශ ලේකම්වරයාට හා නීතිපතිවරයාට තහනම් නියෝගයක් නිකුත් කළේය.
එසේ ම ඡන්ද පත්රිකා මුද්රණය වෙනුවෙන් රජයේ මුද්රණාලය සඳහා වෙන්කර තිබෙන මුදල් ප්රතිපාදන රඳවා ගැනීම ද වළක්වාලමින් තවත් අතුරු නියෝගයක් නිකුත් කළේය.
අදාළ පෙත්සමේ වගඋත්තරකරුවන් ලෙස නම්කර සිටින මුදල් අමාත්යංශයේ ලේකම්වරයාට සහ ජනාධිපතිවරයා වෙනුවෙන් නම්කර තිබූ නීතිපතිවරයා වෙත මෙම අතුරු නියෝග නිකුත් කරනු ලැබීය.
