දෛනික ආදායම් අහිමි වූ ජනතාවට රජය රු. 5000 දීමනාව ලබා දීමට කටයුතු කළ යුතු බව සමගි ජන බලවේගය පවසයි.
එසේ ම අප්රේල් වැටුප කලින් ලබා දුන් හෙයින් මැයි මස වැටුප ලැබෙන තුරු වහා ම දීමනාවක් ලබා දිය යුතු බවත් නිවේදනයක් නිකුත් කරමින් එම පක්ෂය අවධාරණය කරයි.
එසේ ම කොවිඩ් වසංගතය පාලනය කරන තුරු සියලු සෞඛ්ය කාර්ය මණ්ඩල සඳහා විශේෂ අතුරු දීමනාවක් ලබා දිය යුතු බව ද එහි සඳහන් වෙයි.
සමගි ජන බලවේගයේ මහ ලේකම් රංජිත් මද්දුමබණ්ඩාර විසින් මෙම නිවේදනය නිකුත් කර තිබේ.