හිටපු ජනාධිපතිවරුන්ට සහ ඔවුන්ගේ වැන්දඹුවන්ට ලබා දී ඇති විශේෂ ප්‍රතිලාභ අවලංගු කිරීමට ප්‍රතිපාදන සහිත ජනාධිපතිවරුන්ගේ හිමිකම් (අවලංගු කිරීමේ) පනත් කෙටුම්පත 2025 ජුලි 31 දින ගැසට් කර ඇත.

එම ගැසට් නිවේදනයට අනුව, පනත් කෙටුම්පත හිටපු ජනාධිපතිවරුන්ට හෝ හිටපු ජනාධිපතිවරයකුගේ වැන්දඹුවට ඕනෑම නිවසක්, මාසික දීමනාවක්, මාසික ලේකම් දීමනාවක්, නිල ප්‍රවාහනයක් සහ වෙනත් එවැනි පහසුකම් වැනි විශේෂ ප්‍රතිලාභ ලබාදීම වළක්වයි.

එම පනත් කෙටුම්පත මගින් ශ්‍රී ලංකාවේ හිටපු ජනාධිපතිවරයෙකුගේ වැන්දඹුවකට ගෙවනු ලබන මාසික විශ්‍රාම වැටුප ද නතර කරයි.