හාල් මිල රු. 240ට උඩ යන්න දෙන්නෑ.. ගැසට් එකක් ගහනවා…! – වෙළඳ ඇමති….
January 17, 2025 at 10:00 am | by emanisa.lk
වී සඳහා සහතික මිලකුත් සහ සහල් සඳහා පාලන මිලක් ගැසට් නිවේදනයක් මගින් ඉදිරියේදී ප්‍රකාශයට පත්කිරීම සූදානම් බව වෙළඳ අමාත්‍ය වසන්ත සමරසිංහ සඳහන් කරයි.
දැනට පවතින රුපියල් 230-240 පමණ වන සහල් මිල තවත් ඉහළ යා නොහැකි බව පැවසූ ඇමති සමරසිංහ, ගොවියාටද ඒ හා සමානව වී සඳහා සාධාරණ මිලක් ලැබිය යුතු බව ද අවධාරණය කරයි.
ඒ අවශ්‍යතා දෙකම සම්බන්ධයෙන් ම සලකා බලා වී සහ සහල් සඳහා මිල ගැසට් කිරීමට සූදානම් බව ද ඔහු කියා සිටියේය.
මාධ්‍ය අමතමින් ඇමතිවරයා මෙම අදහස් පළ කළේය.
