2024 මහ මැතිවරණය සඳහා ජාතික ජන බලවේගයෙන් කොළඹ දිස්ත්‍රික්කය සඳහා ඉදිරිපත් වූ අගමැතිනි ආචාර්ය හරිනි අමරසූරිය මනාප ඡන්ද 655,289ක් ලබාගනිමින් කොළඹ දිස්ත්‍රික්කයේ වැඩිම මනාපලාභියා ලෙස ජයග්‍රහණය කර තිබේ.

මෙම මනාප ගණන මෙරට පාර්ලිමේත්තු මැතිවරණ ඉතිහාසයේ එක් මන්ත්‍රී ධුර අපේක්ෂකයෙකු ලබාගත් වැඩිම මනාප ගණන ලෙස ඉතිහාස ගතවෙයි.

මීට පෙර වැඩිම මනාප ඡන්ද ගණනක් ලබා ගත් මන්ත්‍රි ධුර අපේක්ෂකයා මහින්ද රාජපක්ෂ මහතාය. ඔහු 2020 වසරේ දී කුරුණෑගල දිස්ත්‍රික්කයෙන් මහ මැතිවරණයට තරග කරමින් මනාප 527,364ක් ලබාගත්තේය.