අවසාන යුද සමයේ ප්‍රභාකරන් ඇතුළු කොටි නායකයන් බේරා ගැනීමට යුද වීරයා යැයි කියන මහින්ද රාජපක්ෂ ඇතුළු පිරිස කුමන්ත්‍රණය කළ බව එවක හමුදාපති, ෆීල්ඩ් මාර්ෂල් සරත් ෆොන්සේකා පවසයි.

2009 මැයි 16 වන දින වන විට කොටි නායකයන් මුලතිව්හි මීටර් 400×400 කොටුවක සිරවී සිටි බවත් ඒ වන විට තමන් චීනයේ සිටි බවත් ඔහු පෙන්වා දෙයි.

එහිදී කොටි නායකයන් තෙවන පාර්ශ්වයක් වෙත යටත්වීමට සූදානම් බව ප්‍රකාශ කළද ආරක්ෂක ලේකම් ගෝඨාභය රාජපක්ෂ ශවේන්ද්‍ර සිල්වා අමතා හමුදාවට යටත් වන්නේ නම් පමණක් ඒ සඳහා අවසර ලබාදෙන ලෙස දැනුම් දී ඇති බවද ප්‍රකාශ කරයි.

එහෙත් තමන්ගේ අරමුණ වූයේ කොටි සංවිධානය සම්පූර්ණයෙන් අවසන් කිරීම බවත් සුදු කොඩි රැගෙන එන නායකයන් ඝාතනය කරන ලෙස ගෝඨාභය නියෝග කළේ යැයි තමන් කිසි අවස්ථාවක නොකී බවත් සරත් ෆොන්සේකා ප්‍රකාශ කරයි.

අද (18) විශේෂ මාධ්‍ය හමුවක් අමතමින් හෙතෙම මේ බව කීය.