සෑම මන්ත්‍රීවරයෙකුටම වාහනයක් අවශ්‍ය බව ජාතික ජන බලවේග කුරුණෑගල දිස්ත්‍රික් පාර්ලිමේන්තු මන්ත්‍රී ධර්මප්‍රිය දිසානායක සඳහන් කරයි.

මන්ත්‍රීවරුන් සඳහා වාහන ලබාදීමට එකඟතාවකට මේ වන විට පැමිණ ඇති බවත් එය කුමන ආකාරයේ වාහනයක් දැයි මෙතෙක් නොදන්නා බවත් ඒ මහතා කියා සිටියි.

පාර්ලිමේන්තු මන්ත්‍රීවරුනට තම කාර්යභාරය සිදුකිරීමට වාහනයක අවශ්‍යතාව බැහැර නොකරන බවද හෙතෙම සඳහන් කරයි.

නවීන වාහනයක් මන්ත්‍රීවරුන් සඳහ ලැබෙනු ඇති බවද පැවසූ ඔහු ට දැනට සංචිතවල ඇති පැරණි වාහන සියල්ල භාවිත කළ හැකි මට්ටමක නැති බවද කියා සිටියේය.

සංචිතවල ඇති වාහනවල බොහෝ කොටස් ගලවා ඉවත් කරගෙන රජයට භාර දී ඇති බවත් ඒවා යළි අලුත්වැඩියා කර භාවිත කරන්නට ගියොත් විශාල මුදලක් වැය වෙන බවද පැවසූ ඔහු නවීන වාහනයක් ලබාදීමට කටයුතු කරන්නේ කිරීම සුදුසු බවත් කියා සිටියේය.

කුරුණෑගල යන්ත්‍රෝපකරණ අධිකාරි කාර්යාලයේ නිරීක්ෂණ චාරිකාවට එක්වීමෙන් අනතුරුව මාධ්‍ය අමතමින් ඔහු මේ බව පැවසුවේය.