සමගි ජන බලවේග ජාතික ලැයිස්තු මන්ත්‍රී ධුරයක් සඳහා සිය නම ද යෝජනා වී ඇතැයි හිරුණිකා ප්‍රේමචන්ද්‍ර පවසයි.

පක්ෂ නායක සජිත් ප්‍රේමදාසගේ ජයග්‍රහණය උදෙසා රට පුරා කාන්තා සංවිධාන පිහිටුවමින් තමා විශාල වැඩකොටසක් කළ බවයි, ඈ පෙන්වා දුන්නේ.

සිය පක්ෂයේ ජාතික ලැයිස්තු මන්ත්‍රි ධුර පහෙන් එකක් කාන්තාවකට ලබා දෙන්නේ නම් ඒ සඳහා සියලු සුදුසුකම් තමන් සපුරා ඇති බව ද හිරුණිකා ප්‍රේමචන්ද්‍ර ප්‍රකාශ කරයි.

ඒ පිළිබඳ පක්ෂ නායකත්වය සාකච්ඡා පවත්වමින් ඇති බව ද ඇය සඳහන් කළේ මාධ්‍ය හමුවක් කැඳවමිනි.