වාහන ගෙනාවේ නැත්නම් දැන් සංචිත බිලියන 9.2යි…! – නි. අමාත්‍ය චතුරංග අබේසිංහ…

November 17, 2026 at 6:54 pm | by emanisa.lk

ශ්‍රී ලංකාව මෙතෙක් කල් ජංගම ගිණුමේ හිඟයක් සහිතව පැමිණි නමුත් මේ වන විට වාහන ආනයනය කිරීමට අවසර ලබාදී තිබියදී පවා එය ධනාත්මක අගයකට හරවා ගැනීමට ආණ්ඩුව සමත්ව සිටින බව නි. අමාත්‍ය චතුරංග අබේසිංහ පවසයි.

“ශ්‍රී ලංකාව වැරදි කළමනාකරණ ක්‍රමවේදයකට යොමුවෙන්නේ නැහැ. එයයි පළමු කාරණාව. දෙවැන්න, අපි මුළු රටම පවත්වාගෙන ගියේ තවත් හිඟයක් එක්ක, ඒ තමයි අපේ ජංගම ගිණුමේ හිඟය.

දැන් අපි එය ධනාත්මක අගයකට හරවාගෙන තිබෙනවා, වාහන ආයනයට අවසර ලබාදීමෙන් පසුවත්. පසුගිය වසර දෙකේදී අපි ඩොලර් බිලියන 2.3ක වටිනාකමින් යුත් වාහන ආනයනය කර තිබෙනවා.

එහෙම නොවුණා නම් අපේ විදේශ සංචිත ඩොලර් බිලියන 9.2ක් වෙනවා. අයවැය හරහා ජනතාව විවිධ ප්‍රතිලාභ බලාපොරොත්තු වෙනවා. දැන් ඒ ප්‍රතිලාභ විවිධාකාරයෙන් ලැබෙන්න නියමිතයි. ඒවා ඔබට සෘජුවම මුදල් වශයෙන් හෝ සෘජුවම ප්‍රතිලාභ වශයෙන් ලැබෙන එකක් නැහැ.”

නි. ඇමති චතුරංග අබේසිංහ මේ බව පැවසුවේ ඊයේ (16) කොළඹ අයිසීටී රත්නදීප හෝටලයේදී පැවති අයවැය විශ්ලේෂණ සම්මන්ත්‍රණයක් අමතමිනි.



Leave a Reply

Your email address will not be published. Required fields are marked *

මුල් බිස්ස