වසර 47කට පසු ජනාධිපති අරමුදල ගමට යයි….!
June 14, 2025 at 9:39 am | by emanisa.lk
ජනාධිපති අරමුදලින් මහ ජනතාව වෙත වෛද්යාධාර ලබා දීමේ සේවාවට අයදුම්පත් භාර ගැනීම දිවයිනේ සියලු ප්රාදේශීය ලේකම් කාර්යාල හරහා සිදු කිරීම පසුගිය පෙබරවාරි 7 වන දා සිට ඇරඹිණි.
මෙම වැඩසටහන ඉතා සාර්ථක ලෙසින් ක්රියාත්මක වන බැවින් ජනාධිපති අරමුදලේ අනෙකුත් සේවා ද මේ අයුරින් විමධ්යගත කිරීමට මේ වන විට සියලු කටයුතු සූදානම් කර ඇත.
ඒ අනූව දිළිඳුකම පිටුදැකීමේ සහනාධාර, අධ්යාපනික ශිෂ්යත්ව ප්රදාන, අධ්යාපනයෙහි දක්ෂතා දක්වන දරුවන් ඇගයීම, විශේෂ අවශ්යතා සහිත පුද්ගලයින්ට ලබා දෙන සහනාධාර, වන අලින්ගෙන් පීඩාවට පත් දරුවන් වෙනුවෙන් ලබා දෙන සහන දීමනාව, ජාතික වශයෙන් හෝ රට වෙනුවෙන් සේවය කළ පුද්ගලයන් ඇගයීම, හදිසි අනතුරු සහ ආපදා අවස්ථා සඳහා ලබා දෙන සහනාධාර ඇතුළු ජනාධිපති අරමුදල මගින් ක්රියාත්මක කරන සියලු වැඩසටහන්හි සේවා සඳහා මහ ජනතාවට දිවයිනේ ඕනෑම ප්රාදේශීය ලේකම් කාර්යාලයකින් මාර්ගගත ක්රමයට අයඳුම් කිරීමේ හැකියාව ලැබේ.
මෙම වැඩසටහනත් සමඟ වසර 47ක කාලයක් කොළඹට සීමා වී පැවති ජනාධිපති අරමුදලේ සියලු සේවා ප්රාදේශීය ලේකම් කාර්යාල හරහා ශ්රී ලංකාවේ ඕනෑම තැනක සිට අයදුම් කිරීමට එහි ප්රතිලාභ අවැසි ජනතාවට අවස්ථාව උදා වෙයි.
ජනාධිපතිවරයා ප්රමුඛ ජනාධිපති අරමුදලේ පාලක මණ්ඩලය විසින් ගනු ලැබූ තීරණයක ප්රතිඵලයක් ලෙස ජනතාවට මෙම පහසුකම හිමි වන අතර වැඩි පිරිසකට ප්රතිලාභ ලබා දීමටද බලාපොරොත්තු වේ. තවද, ජනාධිපති අරමුදල අවභාවිත වීමට ඇති ඉඩකඩද මෙමගින් සීමා වේ.
