දූපතකට රිලවුන් ගෙන දමා දූපත වටා විදුලි වැටක් ඉදිකිරීම දේශීය හා විදේශීය සියලු ම දේශීය සහ අන්තර්ජාතික වන සත්ව ආරක්ෂණ නීතිවලට පටහැනි බව රජරට විශ්වවිද්‍යාලයේ ජ්‍යේෂ්ඨ කථිකාචාර්ය කුමාර කළුආරච්චි පවසයි.

“දූපතකට රිලවුන් දමා එය වටා විදුලි වැට ඉදිකිරීම වනසත්ව අවතැන් කිරීමේ දේශීය හා අන්තර්ජාතික නීති රීතිවලට පටහැනි ක්‍රියාවකි.

ප්‍රවෘත්ති වල පෙන්වූ එම දූපත වැනි කුඩා ඉඩක බොහෝ සතුන් එක්තැන් කිරීමෙන් ඔවුන් අතර ආහාර සහ ජලය වෙනුවෙන් ඇතිවන තරඟකාරීත්වය නිසා රිලවුන් එකිනෙකා මරාගන්නා තත්වයක් ඇති වේ.

වෙනදා නොතිබූ එදිරිවාදීකමක් රිලවුන් වැනි ප්‍රයිමේටාවන් අතර ඇති කිරීම ඉතාම අන්තරාදායක ක්‍රියාවකි. එම තත්ත්වය සත්ව සුබසාධනය පිළිබඳ සියලුම ජාතික හා ජ්‍යාත්තන්තර වනසත්ව පුනුරුත්තාපන නීති රීතිවලට පටහැනිය.

වනසතුන් අවතැන් කිරීම මනා සැලසුමකින්, පාලනයකින් කළ යුතු අතර ඊට විශාල මුදලක් ද වැය වේ.”

ඔහු සිය ෆේස්බුක් ගිණුමේ සටහනක් තබමින් මේ බව ප්‍රකාශ කොට තිබේ.

20 total views , 1 views today