වේයන්ගොඩ වදුරව අධිවේගී මාර්ග රක්ෂිතයේ නිදානයක් ඇති බව කී ස්ථානයෙන් මතු වූ දැවැන්ත ගල කැබලි කිරීමට අද (23) දහවල් කටයුතු කෙරිණි.

කෙසේ වුව ද එම දැවැන්ත ගල තුළ කිසිදු වටිනා නිදන් වස්තුවක් නොමැති බව එහි දී අනාවරණය විය.

මෙම ස්ථානයේ නිදන් වස්තු ඇතැයි සිතා පසුගිය සමයේ කිහිප දෙනෙකු එය ගොඩගැනීමට උත්සාහ කිරීමේ දී අත්අඩංගුවට පත්විය.

එම ස්ථානය හාරා නිදානය ගොඩගන්නා ලෙස අනතුරුව අධිකරණය නියෝග කළේය. කෙසේ වුව ද පුරාවිද්‍යා දෙපාර්තමේන්තුව ඊට පෙර සඳහන් කර තිබුණේ මෙම නිදාන කතාවක් අසත්‍යයක් බවයි.