පසුගිය අරගල සමයේ විදේශ රටවල් ගණනාවකින් ජාතික ජන බලවේග නායක අනුර කුමාර දිසානායකගේ ගිණුමකට මුදල් ලැබෙන ලැබී ඇති බව පොදුජන පෙරමුණු පාර්ලිමේන්තු මන්ත්‍රී තිස්ස කුට්ටිආරච්චි සඳහන් කරයි.

“අනුර කුමාර මුල ඉඳලම ඕක කළේ. අනුරාධපුරෙන් ඇවිත් රුපියල් ශත අමතක වුණු අනුර කුමාර ඩොලර් දැක්කා. රට අමතක වුණා, ජාතිය අමතක වුණා අනුර කුමාර දිසානායකට ඩොලර් මතක් වුණා. දැන් ඩොලර් තමයි ක්‍රියාත්මක වෙන්නේ.

මහින්ද මහත්තයා ගෙදර යැව්වා යහපාලනය ගෙනාවා. එකට ඉන්න දුන්නෙත් නැහැ කකුලෙන් අද්දා. ගෝඨාභය රාජපක්ෂ ජනාධිපතිවරයාට ඉන්න දුන්නෙත් නැහැ.

අනුර මහත්තයෝ මෙච්චර දවසක් හැංගී හැංගී මුහුණු බැන්දේ, මෙච්චර දවසක් ජනතාව අතරේ පුංචි මතයක් තිබුණා ඔබ හොඳයි කියලා. ඔබ අවංකයි කියලා. හැබැයි ඔබේ රෙද්ද ගැලවිලා ඉවරයි. අපි නෙමෙයි කියන්නේ ඔබේ හිටපු සගයෝ. දැන් ඩොලර් කුට්ටි ගණන් එතුමාගේ සාක්කුවේ. විදේශ රටවල් ගණනාවකින් අනුර කුමාරගේ ගිණුමට ඩොලර් ආවා. ඒ ඩොලර් ඔක්කොම එකතු කරලා අන්න අනුර කුමාර දිසානායක මොල්ටාවට බිලියන පහක් ආයෝජනය කරලා.

අනුර මහත්තයෝ රවට්ටන්න එන්න එපා. උඹලා බොරු කිව්වට මොල්ටාවේ විජ්ජාව වැඩිකල් යන්න කලින් ඇත්ත හොයාගෙන අනුර මහත්තයෝ උඹටත් අපි දඬුවම් දෙනවා.”