හිටපු ජනාධිපති මෛත්‍රීපාල සිරිසේන මහතා සියලු දෙනාම ඇන්ද වූ බවත් විජයදාස රාජපක්ෂ මහතාවත් අන්දවා ඇති බවත් අමාත්‍ය මහින්ද අමරවීර මහතා පවසයි.

“මෛත්‍රී ඔක්කොමලා ඇන්දෙව්වා. අපි හිතුවේ නැහැ විජයදාස රාජපක්ෂ මහත්තයත් අන්දන්න පුළුවන් වෙයි කියලා. ඒත් නොම්බර එකට ඇන්දෙව්වා. විජයදාස රාජපක්සහ මහත්තයට නමක් තිබුණා නම් මෛත්‍රීපාල සිරිසේන මහත්තයත් එක්ක ගිහින් ඒ නමත් නැති කරගත්තා.”

ඔහු මේ බව පැවසුවේ ඊයේ (19) ශ්‍රී ලංකා නිදහස් පක්ෂයේ නිමල් සිරිපාල ද සිල්වා මහතාගේ පාර්ශ්වය විසින් කැඳවන ලද විධායක සභා රැස්වීමෙන් අනතුරුව මාධ්‍ය වෙත අදහස් දක්වමිනි.