දේශපාලන හිතවත්කම් මත ඊශ්‍රායලයට රැකියා සඳහා යැවීමේ ක්‍රමවේදය නවත්වා දැමූ බව විදේශ සේවා නියුක්ති කාර්යාංශයේ සභාපති කෝෂල වික්‍රමසිංහ මහතා පවසයි.

සම්මත කාර්ය සාධනය නොමැතිව ඊශ්‍රායල් රැකියා සඳහා පුද්ගලයන් පිටත් කිරීමට ක්‍රියාකළ අය පිළිබඳව පවතින නීතිය තුළ පරීක්ෂණ සිදුවනු ඇති බව සභාපතිවරයා කීවේය.

දේශපාලන මැදිහත් වීම මත කුසලතා නොමැති කණ්ඩායම් ඊශ්‍රායල් රැකියා සඳහා යැවීම හේතුවෙන් අලුතෙන් රැකියා සඳහා පිටත්වන අය සඳහා ඊශ්‍රායල් රජයේ ප්‍රායෝගික පරීක්ෂණවලට මුහුණ දීමට සිදුවී ඇති බව සභාපතිවරයා පැවසීය.

පසුගිය කාලයේ නිසි කාර්ය සාධනයක් නැති අය රැකියාවට යැවීම සිදුකර ඇත්තේ, ඡන්ද ලබාගැනීමේ අරමුණ ඇතිව බවත් සභාපතිවරයා පැවසීය. කුසලතා නොමැති අය තම රටේ රැකියාවට පැමිණීම පාලනය කිරීමට ඊශ්‍රායලය පියවර ගෙන ඇති බව හෙතෙම පැවසීය.