ජාතික ජනබලවේගය විසින් හල්දුම්මුල්ල ප්‍රාදේශීය සභාවේ සභාපති පත් කිරීම තම පක්ෂයේ මන්ත්‍රීවරුන් දෙදෙනෙකුගේ සහාය ලබාගෙන ඇති බව දෙමළ ප්‍රගතිශීලී සන්ධානයේ නායක මනෝ ගනේෂන් පවසයි.

ඔහු සඳහන් කරන්නේ, තම පක්ෂයේ මතයට විරුද්ධව කටයුතු කළ අයට එරෙහිව විනය ක්‍රියාමාර්ග ගැනීමට අපේක්ෂා කරන බවයි.

මුදලට පක්ෂය පාවා නොදෙන බවත්, මුදල් දී කට්ටිය බාගැනීම නැවැත්විය යුතු බවත් ඔහු අවධාරණය කරයි.

එසේ මුදල් ගෙන කටයුතු කරන්නේ නම්, මන්ත්‍රී ධුරයෙන් ඉවත් විය යුතු බවත්, මේ සම්බන්ධයෙන් නීතිමය ක්‍රියාමාර්ග ගන්නා බවත් මනෝ ගනේෂන් ප්‍රකාශ කරයි.

කොළඹ මහ නගර සභාව සම්බන්ධයෙන් අදහස් දක්වමින්, මාලිමාවට එහි බහුතරයක් නොමැති බව ද ඔහු සඳහන් කරයි.

එබැවින්, බලය පිහිටුවීම සඳහා කණ්ඩායම් එක්විය යුතු බවත්, එය ක්‍රමයට අනුව සිදු විය යුතු බවත් ඔහු පෙන්වා දෙයි.