බසය සුපුරුදු පරිදි ඇල්පිටිය බස් නැවතුමේ නතර කර රියදුරු සහ කොන්දොස්තර තේ පානය සඳහා ගිය අවස්ථාවේ මේ තරුණයා බසය පදවා ගෙන ඇල්පිටිය අලුත්ගම මාර්ගය ඔස්සේ ඉදිරියට පදවා ගෙන ගොස් තිබේ. එහිදී ගාල්ල බලා ධාවනය වීමට නියමිත බසයක ද ගැටී අලාභහානී සිදුව තිබේ.

කිලෝ මීටර් භාගයක් පමණ බසය පදවා ගෙන ගිය අවස්ථාවේ මාර්ගයේ වාහන තදබදයක් හටගැනීම නිසා බසය නතර කිරීමට සිදු වූ අවසරයෙන් වෙනත් රියදුරෙකු ඉදිරිපත් වී ඔහුගෙන් බසය මුදාගෙන තිබේ. මේ තරුණයා පොලිස් අත්අඩංගුවට පත්ව ඇති අතර ඔහු නියාගම ගෝනලගොඩ පදිංචි අයකු බව හෙළිවී තිබේ.