තලාවෙන් හමු වුණේ රේගුවෙන් පැන්නූ කන්ටේනර් 323න් දෙකක්…!
September 6, 2025 at 10:47 am | by Namal
හිටපු පොදුජන පෙරමුණු ප්රාදේශීය සභා මන්ත්රීවරයෙකුට අයත් මිද්දෙණිය තලාව ප්රදේශයේ ඉඩමක වළ දමා තිබී ගොඩගන්නා ලද අයිස් මත්ද්රව්ය නිෂ්පාදනයට යොදා ගන්නා බවට සැක කරන රසායන ද්රව්ය තොගය මෙරටට ගෙන්වා ඇති දිනව බව පැවසෙන පසුගිය ජනවාරි මාසයේ මෙරට රේගු තදබදයක් තිබූ කාලය බව හිටපු පළාත් සභා මන්ත්රී වරුණ රාජපක්ෂ සඳහන් කරයි.
මෙම සිදුවීම සම්බන්ධයෙන් පළ වූ වාර්තා අනුව අදාළ රසායන ද්රව්ය තොග රැගත් කන්ටේනර් රේගුවෙන් නිදහස් කර ඇත්තේ පසුගිය ජනවාරි 26 වෙනිදා බවද හෙතෙම කියා සිටියි.
එම කාලය තුළ රේගු තදබදය මගහැරීමට රතු ලේබල් සහිත බහාලුම් තොගයක් නිදහස් කළ කාලය බවද ඔහු සඳහන් කළේය. එමෙන්ම එම කාලයේදී මෙරට ලුණු ආනයනය කර තිබූ බවත් ලුණු සහ මෙම රසායන ද්රව්ය පෙනුමෙන් එක සමාන බවත් ඔහු කියා සිටියි.
ඒ අනුව මෙම සිදුවීම් අතර සම්බන්ධයක් ඇති දැයි විමර්ශකයන් අවධානය යොමු කළ යුතු බවද හෙතෙම කියා සිටී.
සිය සමාජ ජාල ගිණුම ඔස්සේ වීඩියෝවක් මුදා හරිමින් ඒ මහතා මෙම අදහස් පළ කර ඇත.
