ජනතා විමුක්ති පෙරමුණේ දෙදෙනකු ද ජනාධිපති අරමුදලෙන් මුදල් අරගෙන ඇතැයි මාධ්‍යවේදී උවිඳු කුරුකුලසූරිය සඳහන් කරයි.

තම ෆේස්බුක් පිටුවෙහි සටහනක් තබමින් ඔහු පවසන්නේ තොරතුරු දැනගැනීමේ පනතෙන් අදාළ තොරතුරු ලබාදීමට කල් ගෙන ඇත්තේ ඒ හේතුවෙන් බවයි‍ෙ

“හිරු ටීවී එක සම්බන්ධව පොලිස් මාධ්‍ය ප්‍රකාශක වූට්ලර් මහත්මයා විදුලි සංදේශන කොමිසමට ලියුමක් ඇරියනෙ. ආණ්ඩුවේ ලොක්කො කියන්නෙ ඒක වූට්ලර් තනි මතයට හපු එකක් කියල​. දැන් විපක්‍ෂයට හෝ හිරු මාධ්‍ය ජාලයට හෝ “පුරවැසියෙකුට” ඇත්ත දැනගන්න ඕන​ නම් කරන්න පුළුවන් වැඩක් තියෙනව​. ඒ තමයි පොලිස්පතිගෙන් අහන්න ඕන​, වූට්ලර් තනිමතයටද​ ඒක යැව්වෙ කියල​. තොරතුරු දෙන්න බැහැ කිව්වොත් තොරතුරු දැනගැනීමේ කොමිසමට ඇපීල් එකක් දාන්න​, අපිට වූට්ලර්ගෙ ලොග් බුක් එක බලන්න ඕන කියල. බලන්නකො මොකද වෙන්නෙ කියල​. ඒකෙ ලොග් එන්ට්‍රියක් තියෙන්නම ඕන​, එයාට කවුද ඒ ලිපිය යවන්න කිව්වෙ, නැත්තං එයාගෙ හිතුමතේටද ලියුම ඇරියෙ කියල​. පොතේ කොල කඩන්න එයාට බැහැනෙ.

මම උදාහරණයක් කියන්නං. පහුගිය ආණ්ඩු කාල වල​ ජනාධිපති අරමුදලෙන් සල්ලිගත්ත දේශපාලනඥයින්ගේ නම් ලිස්ට් එකක් මාධ්‍ය ඇමති නලින්ද පාර්ලිමේන්තුවට ඉදිරිපත් කළානෙ. ඒකෙ දයාසිරි ජයසේකරත් රුපියල් මිලියනයක් අරන් තියෙනව කියල කිව්වනෙ. දයාසිරි ඉල්ලුව 2004-2010 කාලෙ ජනාධිපති අරමුදලෙන් සල්ලිගත්ත දේශපාලනඥයින්ගේ නම් ලැයිස්තුවත් සභාගත කරන්න කියල​.

ඒක කළේ නැති වුණාම​ දයාසිරි, ජනාධිපති ලේකම් කාර්යාලයට තොරතුරු ලබාගැනීමේ පනත යටතේ ඒ තොරතුරු ඉල්ලල ලියුමක් ඇරියා. තොරතුරු නොදුන්නම​, දයාසිරි RTI කොමිසමට ඇපීල් කළා. ජනාධිපති ලේකම් කාර්යයාලයෙන් කිව්ව​, ඒ දත්ත නැහැ කියල​. දයාසිරි කිව්වා මුදල් පොත නැති වෙන්න බැහැනෙ. ඒක පෙන්නන්න කියල​. RTI කොමිසමේ නිලධාරින් කිව්ව “බොරු කියන්න එපා මෙතන ඇවිත්, මන්ත්‍රීතුමාට මුදල් පොත පෙන්නන්න” කියල​. ඊළඟ ඇපිල් දිනේ දවසෙ බලමු මොකක්ද වෙන්නෙ කියල​. දයාසිරිට තොරතුරු නොදුන් හේතුව දන්නවා ද​? ජවිපෙ දෙන්නෙකුත් ජනාධිපති අරමුදලෙන් සල්ලි අරන් තියෙන නිසා​!

ඉතිං වුඩ්ලර්ටත් ඒ ඉරණමම තමා අත්වෙන්නෙ. පනත එච්චර ශක්තිමත්. මතක ගිය මාසෙ අභියායචනා අධිකරණය දුන්න තීන්දුව. ඒකනෙ මේ ආණ්ඩු කොමිසම අකර්මන්‍ය කරන්න හදන්නෙ!