විපක්ෂයේ දේශපාලනඥයන් පවසන ආකාරයේ අගහිඟයක් ජනතාවට නොමැති බවත් ඔවුන් ඉතාම සතුටින් තෛපොංගල් උත්සවය සැමරූ බවත් ජාතික ජන බලවේග පාර්ලිමේන්තු මන්ත්‍රීනී සමන්මලී ගුණසිංහ පවසයි.

“ඉතාම හොඳින් කිරිබත උයාගෙන, තෛපොංගල් බත උයාගෙන ඒ දෙවියන් වෙනුවෙන් ගණ දෙවි පූජාව පවත්වන අයුරු උදේ පාන්දර පහාමාරෙ ඉඳලා තමයි මේ කෝවිලට මේ ජනතාව ගලාගෙන එන්නෙ. මේ අයට නම් එහෙම අගහිඟයක් කිසිම දෙයක් නෑ. ඒ නිසා සියලු දෙනාම කිරිබත උයාගෙන සතුටින් සමරනවා.

මං හිතන්නේ ඉතාමත්ම කෙටි කාලයක් තුළ ලංකා ඉතිහාසයේ වැඩිම පොරොන්දු ප්‍රමාණයක් ඉෂ්ට කරපු ආණ්ඩුවක් තමයි, වර්තමාන ජාතික ජන බලවේග ආණ්ඩුව. ඔබට මතක ඇති, අපේ රටට ඕනෙ අලුත් දේශපාලන සංස්කෘතියක් ඇති කළා.”

අමාත්‍ය බිමල් රත්නායකගේ බිරිඳ වන සමන්මලී ගුණසිංහ මේ බව පැවසුවේ ඊයේ (14) පෙරවරුවේ තෛපොංගල් උත්සවයකට එක්වීමෙන් අනතුරුව මාධ්‍ය වෙත අදහස් දක්වමිනි.