චැනල් 4 වීඩියෝව ගැන බ්රිතාන්යය විමර්ශනයක්…!
September 11, 2023 at 8:47 am | by emanisa.lk
චැනල් 4 නාළිකාව නිර්මාණය කළ පාස්කු ප්රහාරයට සම්බන්ධ වීඩියෝව පිළිබඳ රාජ්ය බුද්ධි අංශ ප්රධානී මේජර් ජෙනරාල් සුරේෂ් සලෙයි විසින් සිදුකළ පැමිණිල්ලකට අනුව බ්රිතාන්ය විද්යුත් මාධ්ය නියාමන කාර්යාලය විසින් විමර්ශනයක් ආරම්භ කර තිබේ.
පාස්කු ඉරු දින ත්රස්ත ප්රහාරය සම්බන්ධයෙන් චැනල් 4 නාළිකාව පසුගිය දා වීඩියෝ පටයක් නිකුත් කළ අතර එයින් රාජ්ය බුද්ධි අංශ ප්රධානී මේජර් ජෙනරාල් සුරේෂ් සලෙයිට ද චෝදනාවක් එල්ල කර තිබිණි.
තමන් විසින් මීට පෙර එම චෝදනාවලට සාක්ෂි සහිතව නිසි පිළිතුරු ලබාදී තිබියදීත් චැනල් 04 නාළිකාව විසින් තමා අපහසුතාවට පත්කිරීමේ අරමුණින් මෙම වීඩියෝ පටය ප්රචාරය කර ඇති බවට සුරේෂ් සලෙයි විසින් බ්රිතාන්ය විද්යුත් මාධ්ය නියාමන කාර්යාලයට පැමිණිලි කර ඇත.
ඒ අනුව අදාළ වීඩියෝව සම්බන්ධයෙන් විමර්ශන ආරම්භ කර ඇති බව බ්රිතාන්ය විද්යුත් මාධ්ය නියාමන කාර්යාලය විසින් දැනුම්දුන් බව රාජ්ය බුද්ධි ප්රධානීයාගේ නීතීඥ පසන් වීරසිංහ සඳහන් කළේය.
