2‍009 සිට සිදුවූ ගල් අඟුරු ආනයනය පිළිබඳ විමර්ශනය සඳහා ජනාධිපති කොමිසමක් පත්කිරීමත් සමග සුංබුං විපක්ෂයට හෙනහුරා ලැබූ බව ආණ්ඩු පක්ෂ පාර්ලිමේන්තු මන්ත්‍රී දේවානන්ද සුරවීර පවසයි.

ඇමති කුමාර ජයකොඩි දැවැන්ත වංචාවක් සිදුකළ බවට විපක්ෂය ප්‍රබන්ධයක් ගොඩනඟමින් සිටියද එය විශ්වාසභංග විවාදයේදී හෝ කෝප් කමිටුව හමුවේ තහවුරු කර ගැනීමට අසමත් වූ බවද ඔහු පෙන්වා දෙයි.

ගල් අඟුරු ආනයන ක්‍රියාවලිය තුළ දී ඇමති ජයකොඩි කිසිදු දූෂණ ක්‍රියාවක නිරත නොවූ බව තමන් දන්නා බවද දේවානන්ද සුරවීර අවධාරණය කරයි.