කළු පාලමේ වැඩ කරන බව පිටට පේන්නේ නෑ…. වැඩේ නියමෙට යටින් යනවා… මේ අවුරුද්දේ මහනුවරට දුම්රිය ගේනවා…! – නි. ඇමති ප්රසන්න ගුණසේන….
February 26, 2026 at 11:23 am | by emanisa.lk
පේරාදෙණිය කළු පාලමේ ඉදිකිරීම් නතර කර නොමැති බවත් පෙර සඳහන් කළ ආකාරයෙන් මෙම වසර අවසාන වීමට පෙර මහනුවර දක්වා දුම්රියක් ධාවනය කිරීමට අපේක්ෂා කරන බවත් ප්රවාහන හා මහාමාර්ග නියෝජ්ය අමාත්ය, වෛද්ය ප්රසන්න ගුණසේන පවසයි.
“කළු පාලම ඇලවීම නතර කර ස්ථාවර කර තිබෙනවා. එහි ඇද වී තිබුණු ගල් කුළුණ තවදුරටත් ඇලවීම ඉංජිනේරු තාක්ෂණය අනුව නතර කර මේ වන විට පාලම ස්ථාවර කර තිබෙනවා. පසුගිය 21 වන දින විශාල වර්ෂාපතනයක් ඇදවැටුණා. ගඟේ ජල මට්ටම වැඩිවෙලා එම ස්ථානයේ තාවකාලිකව ඉදිකර තිබූ පාලමට හානි වුණා.
මෙතැන වැඩ සඳහා ස්කැවේටර්ස් දෙකක් කුලියට ගත්තා. ඒ වගේ අවශ්යතාවක් දැන් නැහැ. වතුර පොම්ප කරන යන්ත්රත් කුලියට ගත්ත ඒවා. ඒ සියල්ල නැවත භාර දුන්නා. මෙතැන තියෙන යන්ත්ර අඩු වෙනවා වගේම මිනිස්සු වැඩ නොකරන බවක් පිටතින් බලන කෙනෙකුට පෙනෙන්න පුළුවන්. ඒක වැරදියි. ඊළඟ පියවර ආරම්භ කරනවා. තාක්ෂණික කමිටුව සමග ඉදිරි වැඩ ගැන සාකච්ඡා කරනවා. බිමල් ඇමැතිතුමා පැවසූ පරිදි මෙම වසර අවසන් වීමට පෙර මහනුවරට දුම්රියක් ගේන්න අපි සැලසුම් කරනවා.
ඉන්දියානු ණය ආධාර යටතේ රඹුක්කන සිට කඩුගන්නාව දක්වා කොටස හදන්න සැලසුම් කරනවා. මුදල් අමාත්යාංශය ඒ පිළිබඳ පොළි අනුපාත හා සම්බන්ධ කරුණු පිළිබඳව සාකච්ඡා කරනවා. දුම්රිය දෙපාර්තමේන්තුව රඹුක්කන සිට පේරාදෙණිය දක්වා පස්කඳු ඉවත් කරගෙන මාර්ගය ප්රතිසංස්කරණය කිරීමේ මූලික කටයුතු ආරම්භ කර තිබෙනවා.
දුම්රිය දෙපාර්තමේන්තුව කලින් ලාභ ලැබුවේ නැහැ. ඒ නිසා කෝච්චි නොදුවන එකේ පාඩුව දෙපාර්තමේන්තුවට වඩා දුම්රිය මගීන්ටයි. මොකද ලංගම ගමන් වාර ප්රවේශ පත්රයක් ගන්නත් දුම්රිය දෙපාර්තමේන්තුවේ මාසික වාර ප්රවේශ පත්රයට වඩා වැඩි මුදලක් වැය කරන්න වෙනවා.”
මහනුවර දිස්ත්රික් සම්බන්ධීකරණ කමිටු රැස්වීමෙන් අනතුරුව මාධ්ය හමුවේ අදහස් දක්වමින් නියෝජ්ය ඇමතිවරයා මේ බව පැවසුවේය.
