කන්නංගරේ ප්‍රශ්න පත්තරේ මාලිමාවේ ප්‍රශ්න 05ක් තිබීම ගැටලුවක් නෙවෙයි…! – ජෝෂප් ස්ටාලින්..
November 13, 2024 at 2:59 pm | by emanisa.lk
මතුගම සී.ඩබ්.ඩබ්. කන්නන්ගර විද්‍යාලයේ දෙවන වාර පරීක්ෂණයේදී උසස් පෙළ දරුවන්ට බෙදා දී ඇති පොදු පරීක්ෂණ ප්‍රශ්න පත්‍රයට ජාතික ජන බලවේගයට සම්බන්ධ ප්‍රශ්න 5ක් ඇතුළත් වීම විශාල ගැටලුවක් කර ගතයුතු නැතැයි ලංකා ගුරු සංගමය පවසයි.
එහි ප්‍රධාන ලේකම් ජෝශප් ස්ටාලින් මහතා පෙන්වා දෙන්නේ වාර විභාගවල ප්‍රශ්නපත්‍ර කලාප අධ්‍යාපන කාර්යාල හරහා ලබා දෙන්නේ නම් මෙවැනි ගැටලු ඇති නොවනු ඇති බවයි.
නිසි ක‍්‍රමය අනුව පළමු වාර විභාගයේ ප්‍රශ්න පත්‍රය පාසලෙනුත්, දෙවැනි වාරයේ කලාප අධ්‍යාපන කාර්යාලයෙන් සහ තෙවැනි වාර විභාගයේ ප්‍රශ්න පත්‍රය පළාත් අධ්‍යාපන දෙපාර්තමේන්තුවෙන් ලබා දිය යුතු බවද හෙතෙම පෙන්වා දෙයි.
ඉන් බැහැරව එම ක්‍රියාවලිය කරන්නේ නම් එහි වගකීම ප්‍රශ්න සෑදූ ගුරුවරුන්ට පවරන්නේ නැතුව අධ්‍යාපන බලධාරීන් බාර ගත යුතු බව ද ලේකම්වරයා තව දුරටත් පැවසුවේය.
