ඉන්දීය ඖෂධ සංග්‍රහය (IP) රටවල් 18ක් පිළිගෙන ඇති අතර එමගින් ඉන්දීය ඖෂධ නිෂ්පාදන සඳහා ද්විත්ව පරීක්ෂණ අවශ්‍යතා ඉවත් කිරීම සහ වෙළඳපොළට පහසුවෙන් ඇතුළු වීම සඳහා පහසුකම් සපයයි.

ඉන්දීය ඖෂධ සංග්‍රහය (IP) යනු ඉන්දියාවේ නිෂ්පාදනය කරන සහ අලෙවි කරන ඖෂධවල අනන්‍යතාව, සංශුද්ධතාව සහ ශක්තිය සඳහා වන ප්‍රමිතීන් නියම කරන නිල ප්‍රමිති පොතයි. එය පිළිගෙන ඇත්තේ ඇෆ්ගනිස්ථානය, ඝානාව, නේපාලය, මොරිෂස්, සුරිනාම්, නිකරගුවාව, භූතානය,
මොසැම්බික්, සොලමන් දූපත්, නාවුරූ, මලාවි, ගයනාව, ෆීජි, කියුබාව, මාලදිවයින, ට්‍රිනිඩෑඩ් සහ ටොබැගෝ, බොට්ස්වානා ආදී රටවල්ය.

ශ්‍රී ලංකාව මෙම රටවල් අතරට එක්වූ අලුත්ම රට වන අතර ඒ වර්තමාන ආණ්ඩුව යටතේ අත්සන් කළ ගිවිසුම් අනුව බව ප්‍රකාශ වෙයි. එතෙක් අපේ රටේ පිළිගත්තේ ලොව ප්‍රධාන රටවල් පිළිගන්නා බ්‍රිතාන්‍යය (British Pharmacopoeia), ඇමරිකානු (United States Pharmacopeia), යුරෝපා, (European Pharmacopoeia), ජාත්‍යන්තර (International Pharmacopoeia) යන ඉහළ ප්‍රමිති සහතිකය.